Naimbag A Paskuam, Apo Hesus!

Gapu iti ayat
Pinarsuanak
Saanmo nga impaidam
Dagiti nailangitan nga imbag
Nga adda kenka
Imbag nga awan ti rugina
Ken awan ti patinggana

Nagbasolak
Ngem gapu iti ayat
Pinakawannak
Ngarud ti kaipapanan
Ti Paskua kaniak ket
Maysa a nailangitan nga ayat
Immayka ditoy lubong
Tapno isalakannak
Saanmo a kayat
A mayaw-awanak
Ta dakkel ken nabileg
Ti panagayatmo kaniak!