Ayat A Saan Nga Agkupas

Saanta nga agam-ammo idi
Nagsarakta iti maysa a salaan maysa a rabii
Makarunaw a perreng impaaymo kaniak
Agkibkibbayo’t barukong idi inaprosam dagiti imak
Ket idi inrasaasmo, kukuamon daytoy puso
Nariknak naysupsupadi a rag-o
Ayatmo kaniak, ayatko kenka saan a nagkupas
Ta kalpasan iti mano a taw-enen a naglabas
Addaak pay laeng dita sidongmo
Mangsimsimsim ti ayat, nasam-it a diro.