Iti Dennak Kenka

Nadawel man
Dagiti dalluyon ti baybay,
Narungsot man
Dagiti danum a maburak
Iti tangrib ken kadaratan,
Napudot ken nadam-eg man
Ti angin a maysaplit
Iti rupa ken takiag,
No addak iti dennam
Natalna ken naulimek ti taaw,
Saan a nalamiis dagiti danum
A mangdigos dagiti sakata
Nadarisay ti angin
A mang-apiras ti nalamuyot
A pingpingmo
Sabali ti mariknak
Ta saanmo a marukod, biagko
Ti kauneg ti panagayatko.