Baro A Taw-en!

Dandanin ti isasangbay ti baro a taw-en a 2007- baro nga ugali, baro a panagpanpanunot, baro nga aramid! Ngem uray no baro, masapul a dagitoy ket napinpintas ken nasaysayaat!

Ta no saan, nasaysayaat no agbatika laengen iti taw-en a 2006!

NARAGSAK A BARO A TAW-ENYO AMIN!

Naimbag A Paskuam, Apo Hesus!

Gapu iti ayat
Pinarsuanak
Saanmo nga impaidam
Dagiti nailangitan nga imbag
Nga adda kenka
Imbag nga awan ti rugina
Ken awan ti patinggana

Nagbasolak
Ngem gapu iti ayat
Pinakawannak
Ngarud ti kaipapanan
Ti Paskua kaniak ket
Maysa a nailangitan nga ayat
Immayka ditoy lubong
Tapno isalakannak
Saanmo a kayat
A mayaw-awanak
Ta dakkel ken nabileg
Ti panagayatmo kaniak!

Mayat Ngem...

No agbakasionka, panawam ti balaymo. Idi nagbsublika iti bakasionmo, nakitam nga awanen dagiti agkakapateg a gameng iti uneg ti balaymo! Apay? Natakawan ti balaymo bayat ti kaawanmo. Isu nga dagitoy nga aldaw, napateg ti mangikapet ti electronic burglar alarm system.

Nag-e-mail kaniak ti maysa a gayyemko iti maysa a retrato. Daytoy kano ti us-usarenna a burglar alarm system iti balayna:




Mayat ngem...makakatawaak man!

Britney Spears, Nayaw-awan Kadin ti Panunotmo?

Agtaw-enen itan ni Britney Spears iti 25. Nayanak isuna idi maika-2 nga aldaw ti Disiembre, 1981. Premiado isuna a kumakanta. Nangab-abak iti nalatak a Grammy Award ti America. Nalaing pay isuna nga agsala.

Miliomilion dagiti recordsna ti nalako iti intero a lubong. Gapu daytoy, maysa isuna kadagiti umuna a sangapulo a kumakanta nga adun ti nalaklakoda a recordsda iti America.

Kitaenyo man ti gasat ti tao! Nangrugi laeng isuna- idi ubing pay- a kas miembro ti Mickey Mouse Club idi rugrugi ti dekada 1990. Ti Mickey Mouse Club ket maysa nga American variety television series a nangrugi iti katengngaan ti dekada 1950.

Daytoy man ti maysa a ladawanna idi ubing pay.




Itan nakabakbaknangen daytoy a kumakanta! Idi 2004, inasawana ni Kevin Federline, maysa kadagiti grupo nga agsalsala iti enteblado no agkanta ni Britney Spears iti sangnguanan iti live audience. Inasawa ngata ni Kevin ni Britney gapu ti kaadu ti kuartana? Awan ti makaammo ngem kalpasan iti mano a lawas kalpasan ti panangyanakna ti maikaddua nga anakda, nagdiborsioda!

Iti kallabes, naduktalanda isuna a saan a naka-panty iti maysa a rabii a rimmuar a kadduana ni Paris Hilton (Kitaen ti ladawan iti baba). No maysaka a celebrity, ania man ti tignaymo, uray no ania man ti ayanmo, adda dita ni paparazzi a sisasagana a mangala iti ladawanmo!






Britney Spears, nayaw-awan kadin ti panunotmo?