Apay A Saanko A Sinerraan Ti Ngiwatko?

....OPS!!!




Lumamiis manen ti tiempo ditoy America. Narigaten bassit ti mapan ag"jogging" iti ruar ta mariknan ti kinalamiis ti pul-oy ti angin a dumapris iti pispis. Nag-enrolak ngarud iti maysa a gym ditoy lugar nga ayanko ditoy America.

Pudno a napasamak daytoy ibagak.

Maysa nga aldaw, napanak iti gym tapno mapan ag-exercise. Inusarko ti maysa kadagiti treadmill a naylinia iti maysa a diding ti gym. Maysa a puraw a lalaki iti agus-usar met iti treadmill nga adda iti abayko. Iti sanguananmi, adda nakatalikod a puraw a babai nga agus-usar ti stationary bike.

Bayat ti panagpedpedalna, naypigket dagiti matak ti maka-ay-ayo a panagkinnikinni ti nakabukbukuong nga ubetna. Nadlaw ti kaab-abayko a puraw ti panangtaliawko kaniana. Ngimmato dagiti kidayna sa napamulgat a kasla damdamagenna kaniak no ania ti ibagak kaniana.

Napaisemak.

"Hey," kinunak kaniana iti ababa a timek tapno saan a mangngeg ti babai iti sanguananmi nga agbisbisikleta, "that's a nice piece of ass!"

"Ya," insungbatna met, "my sister has them since she was little..."

"Oh, I'm sorry.." kinunak.

Kineremmannak ti puraw sa immisem ngem nariknak a kasla bimmara ken limmabbasit ti pispisko.