Dagiti Ladawan ti Maysa a Bassit Ngem Napintas ken Nakalma a Danaw

Adda maysa a bassit ngem napintas ken nakalma a danaw nga asideg iti office building a sumsumbrekak iti trabahok iti maysa a bassit nga ili ditoy America. Ti naganna daytoy a danaw ket Lake Anna. Ditoy nga umayak ag-exercise kalpasan ti trabahok iti aldaw. Brisk walking (napardas a pannagna) ti aramidek embes a tumaray ta no agtarayak agbutengak baka matukkol dagiti tulang ti sakak. Mamitlo a likmutek ti danaw. Maysa a likmut ket maipada iti pannagna iti maysa a milia (nasurok a maysa a kilometro).















Kanayonko a makita dagiti dua iti ladawan ti ngato nga um-umay met agpagnapagna ditoy Lake Anna.


...ken, iti ladawan ti baba, dagiti ubbing nga umay agbanniit.




































...makitkitak met ti baket iti ngato nga umay agpakan kadagiti billit ken pato.

Ngem ti maysa a naysupsupadi a nakitak ti aldaw a panangalak dagitoy a retrato ti Lake Anna ket ti ladawan ti baba. Ipakitana a, no dadduma, na-ag-aggresibo ti babai ngem ti lalaki!