Ti Kabaketan A Tao Ditoy Lubong!

Ti ladawan a makita iti baba ket ladawan ti maysa a baket a kabaketan ditoy lubong!



Ti naganna ket Maria. Nayanak isuna iti bulan ti Pebrero, aldaw a maika-28 diay siudad ti Itapetininga, estado ti Sao Paulo ngem agtaengen isuna iti maysa a bassit nga ili a managanan iti Astorga, estado ti Parana a la-ud iti estado ti Sao Paulo.

Natadem ken alerto kano pay laeng iti panagpanpanunotna ken ka-ay-ayona kano iti makipatpatang. Namindua a nag-asawa ken, kadagiti 14 nga annakna, tallo laengen ti natda. Immun-una a natay dagiti 11 ngem isuna.

Mano ti taw-enna? 125!

Ngem naminsan dinamagda kenni Bill Cosby, maysa a nalatak a comedian (komikero wenno maysa a nalaing nga agpakatawa a tao)ditoy America: "Do you want to live until you are 200-year old? (Kayatmo kadi ti agbiag aginggana't agtaw-enkan iti 200 a taw-en?)"

Insungbatna met: "Of course, not! Why should I baby-sit my 120-year old son! (Siempre, saan! Apay? Tapno taraknek ti anakko nga agtaw-en iti 120?)."

Namnama

Gapu iti ayat
Pinarsuam
Ti umuna nga ama
Ken umuna nga ina
Ngem nagbasolda,
Gapu daytoy tinawidko
Ti dusa nga impaaymo
Kadakuada,
Masapul a... matayak!
Ngem timmao ni Jesus
Nalatigo
Nabalangatan iti siit
Nagbaklay ti krus
Ket naylansa…. ket natay!
Amin dagitoy a dusa
Tapno mapakawan
Ti umuna a basol,
Ngem ti panagungarna
Inyegna kaniak
Ti namnama
Nga intuno
Siak ti matay
Agungarakto met!
Itedkonto amin
Ti ayatko kenka
Ta awan ti naragragsak
Ngem ti biag
Nga agnanayon
Iti dennam.